प्रधानमंत्री धन धान्य कृषि योजना" व डाळवर्गीय पिके आत्मनिर्भरता मिशन

 

कृषि विज्ञान केंद्र, पोखर्णी, येथे पी. एम. धनधान्य कृषि योजनेचा शुभारंभ

 " प्रधानमंत्री धन धान्य कृषि योजना" व "डाळवर्गीय पिके आत्मनिर्भरता मिशन" या कार्यक्रमाचे व्हिडिओ कॉन्फरन्सिंग व लाईव्ह कास्टिंग कृषि विज्ञान केंद्र पोखर्णी, नांदेड- १ येथे करण्यात आले त्या निमित्ताने शेतकरी शास्त्रज्ञ संवाद कार्यक्रमाचे आयोजन करण्यात आले होते. कार्यक्रमाची सुरुवात भारतीय कृषी अनुसंधान परिषद गीताने करण्यात आली असून मान्यवरांच्या हस्ते दीप प्रज्वलन व बळीराजा आणि छत्रपती शिवाजी महाराजांच्या प्रतिमेचे पूजन करण्यात आले. सदरील कार्यक्रमासाठी एकूण सहा तालुक्यातील १५०ते १६० शेतकऱ्यांचा सहभाग लाभला.कार्यक्रमाचे सूत्रसंचालन डॉ .अमिता क्षत्रिय (कृषी विस्तार तज्ञ) यांनी तर प्रास्ताविक डॉ .देवीकांत देशमुख (वरिष्ठ शास्त्रज्ञ व प्रमुख) यांनी केले.  प्रास्ताविकामध्ये कार्यक्रमाचे उद्दिष्ट, हेतू तसेच राष्ट्रीय नैसर्गिक शेती अभियान आणि रब्बी पीक पूर्व तयारी याबाबत त्यांनी मार्गदर्शन केले.

कार्यक्रमाचे अध्यक्षस्थान डॉ.एस.डी.मोरे.यांनी भूषविले. प्रा.माणिक कल्याणकर (पीक संरक्षण तज्ञ) यांनी शेतकऱ्यांना मार्गदर्शन करताना रब्बी पिक लागवड पूर्ण तंत्रज्ञान, बीजप्रक्रिया, बियाण्यांची निवड, बुरशी नियंत्रनाकरीता  जैविक निविष्ठांचा वापर करून मशागत करणे याबद्दल सविस्तर असे मार्गदर्शन त्यावेळी उपस्थितांना केले. त्यानंतर डॉ.महेश आंबोरे (पशुवैद्यक तज्ञ) यांनी जनावरांना होणारे आजार व त्यासाठी जैविक औषधींचा वापर  आणि घ्यावयाची काळजी या बाबींवर मार्गदर्शन केले. तसेच सौ.अलका पवळे (गृह विज्ञान तज्ञ) यांनी निर्जंतुकीकरण केलेले पाणी व व्यवस्थित शिजवलेले अन्न  तसेच रोगप्रतिकारक शक्ती वाढवण्यासाठी आहारात जीवनसत्व "क" म्हणजेच आंबट- पिवळ्या व केशरी रंगांच्या फळे व भाजीपाल्याचा आहारात समावेश करावा असे आवाहन केले.

त्यानंतर शेतकरी प्रतिनिधी म्हणून श्री.नारायण वानोळे यांनी शेतकरी प्रश्न आणि समस्या व त्यावर वेळेत सल्ला व मार्गदर्शन यावर आपले मत थोडक्यात व्यक्त केली. अध्यक्षीय समारोपानंतर राष्ट्रगीताने कार्यक्रमाची सांगता करण्यात आली सदरील कार्यक्रमासाठी कृषी विज्ञान केंद्राचे श्री.राजीव इंगोले,श्री.अशोक भालेराव, श्री. राकेश वाडीले, सौ.प्राजक्ता हाडोळतीकर, श्री.शंकर कोनापुरे, श्री.राहुल राऊत श्री.संतोष वाघमारे तसेच श्री.महेश तहाडे(माहूर आत्मा बी.टी.एम)  व श्री.एलपलवाड (मं.कृ.अधिकारी माहूर) यांची देखील विशेष उपस्थिती लाभली.